ರಾಕಿಂಗ್ ಸ್ಟಾರ್ ಮಕ್ಕಳ ಮೊದಲ ಸಿನಿಮಾ ಯಾವುದು ಗೊತ್ತಾ? ಅಪ್ಪನ ‘ರಾಮಾಯಣ’ವೇ ಫಸ್ಟ್!

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ದಂಪತಿಯ ಮಕ್ಕಳಾದ ಐರಾ ಹಾಗೂ ಯಥರ್ವ್ ಅವರ ಪಾಲಿಗೆ ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾ ವಿಶೇಷ ನೆನಪಾಗಿ ಉಳಿಯಲಿದೆ. ಇದಕ್ಕೆ ಕಾರಣ, ಇದೇ ಚಿತ್ರದ ಮೂಲಕ ಇಬ್ಬರೂ ಮೊದಲ ಬಾರಿಗೆ ದೊಡ್ಡ ಪರದೆಯಲ್ಲಿ ಸಿನಿಮಾ ವೀಕ್ಷಿಸಿದ್ದಾರೆ. ಲಾಸ್ ಏಂಜಲೀಸ್‌ನಲ್ಲಿ ನಡೆದ ‘ರಾಮಾಯಣ’ ಚಿತ್ರದ ವಿಶೇಷ ಪ್ರದರ್ಶನದಲ್ಲಿ ಯಶ್ ಮಕ್ಕಳಿಗೆ ಮೊದಲ ಸಿನಿಮಾ ನೋಡುವ ಅನುಭವ ಸಿಕ್ಕಿದೆ. ತಂದೆಯೇ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಸಿನಿಮಾ ಮಕ್ಕಳ ಮೊದಲ ಚಿತ್ರವಾಗಿರುವುದು ಇದೀಗ ಅಭಿಮಾನಿಗಳ ಗಮನ ಸೆಳೆದಿದೆ.

ಅಕ್ಟೋಬರ್ 30ರಂದು ಏಳು ವರ್ಷಕ್ಕೆ ಕಾಲಿಟ್ಟಿರುವ ಯಥರ್ವ್ ಹಾಗೂ ಐರಾ ಇಬ್ಬರೂ ಕುಟುಂಬದೊಂದಿಗೆ ವಿಶೇಷ ಪ್ರದರ್ಶನದಲ್ಲಿ ಸಿನಿಮಾ ವೀಕ್ಷಿಸಿದ್ದಾರೆ ಎನ್ನಲಾಗಿದೆ. ಮಕ್ಕಳು ಚಿತ್ರವನ್ನು ಹೇಗೆ ಆಸ್ವಾದಿಸಿದರು ಎಂಬ ವಿವರಗಳನ್ನು ಕುಟುಂಬ ಗೌಪ್ಯವಾಗಿಟ್ಟಿದೆ. ಆದರೆ, ಭಾರತೀಯ ಮಹಾಕಾವ್ಯ ರಾಮಾಯಣದ ಮೂಲಕ ಮಕ್ಕಳ ಸಿನಿಮಾ ಪಯಣ ಆರಂಭವಾಗಿರುವುದು ವಿಶೇಷವಾಗಿದೆ.

ಇನ್ನು ‘ರಾಮಾಯಣ’ ಚಿತ್ರದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾ ಅವರ ವೃತ್ತಿಜೀವನದ ಪ್ರಮುಖ ಯೋಜನೆಗಳಲ್ಲಿ ಒಂದಾಗಿದ್ದು, ತಂದೆಯ ಮಹತ್ವದ ಸಿನಿಮಾ ಮಕ್ಕಳ ಮೊದಲ ಚಿತ್ರ ವೀಕ್ಷಣೆಯ ಅನುಭವಕ್ಕೂ ಸಾಕ್ಷಿಯಾಗಿದೆ. https://kaveritv.com/bail-denied-to-pradosh-who-turned-approver-against-darshan/

ಯಶ್ ಮತ್ತು ರಾಧಿಕಾ ತಮ್ಮ ಮಕ್ಕಳಿಗೆ ಇಟ್ಟಿರುವ ಹೆಸರುಗಳ ಹಿಂದೆಯೂ ವಿಶೇಷ ಅರ್ಥವಿದೆ. ಐರಾ ಎಂಬ ಹೆಸರು ಐರಾವತಿಯ ಹೆಸರಿನಿಂದ ಪ್ರೇರಿತವಾಗಿದ್ದು, ಲಕ್ಷ್ಮೀ ದೇವಿಯ ಮತ್ತೊಂದು ಹೆಸರಾಗಿದೆ. ಯಥರ್ವ್ ಎಂದರೆ ಪೂರ್ಣತೆ ಎಂಬ ಅರ್ಥವಿದೆ. ಅಷ್ಟೇ ಅಲ್ಲದೆ, ಯಥರ್ವ್ ಹೆಸರಿನಲ್ಲಿ ಯಶ್, ರಾಧಿಕಾ ಹಾಗೂ ಐರಾ ಅವರ ಹೆಸರುಗಳ ಅಂಶಗಳನ್ನೂ ಸೇರಿಸಲಾಗಿದೆ ಎಂದು ಈ ಹಿಂದೆ ದಂಪತಿ ತಿಳಿಸಿದ್ದರು.

ಇನ್ನು ಈ ಬಹುನಿರೀಕ್ಷಿತ ಚಿತ್ರವನ್ನು ನಮಿತ್ ಮಲ್ಹೋತ್ರಾ ಅವರ ಪ್ರೈಮ್ ಫೋಕಸ್ ಸಂಸ್ಥೆ ನಿರ್ಮಿಸುತ್ತಿದ್ದು, ನಿತೇಶ್ ತಿವಾರಿ ನಿರ್ದೇಶನ ಮಾಡುತ್ತಿದ್ದಾರೆ. ಯಶ್ ಅವರ ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಸಹ-ನಿರ್ಮಾಣದ ಜವಾಬ್ದಾರಿ ಹೊತ್ತಿದೆ. ಕರ್ನಾಟಕದಲ್ಲಿ ಚಿತ್ರದ ವಿತರಣೆಯ ಜವಾಬ್ದಾರಿಯನ್ನೂ ಯಶ್ ಅವರ ಸಂಸ್ಥೆಯೇ ನಿರ್ವಹಿಸುತ್ತಿದೆ.

ಚಿತ್ರದಲ್ಲಿ ರಾವಣನ ಪಾತ್ರದಲ್ಲಿ ಯಶ್ ಕಾಣಿಸಿಕೊಳ್ಳುತ್ತಿರುವುದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ನವೆಂಬರ್ 5ರಂದು ತೆರೆಗೆ ಬರಲಿರುವ ಈ ಚಿತ್ರದ ಬಿಡುಗಡೆಗಾಗಿ ಸಿನಿಪ್ರಿಯರು ಕಾತರದಿಂದ ಕಾಯುತ್ತಿದ್ದಾರೆ.

ಒಟ್ಟಿನಲ್ಲಿ, ‘ರಾಮಾಯಣ’ ಸಿನಿಮಾ ಯಶ್ ಅವರ ವೃತ್ತಿಜೀವನಕ್ಕೆ ಮಹತ್ವದ ಮೈಲಿಗಲ್ಲಾಗುವ ನಿರೀಕ್ಷೆಯಿದ್ದು, ಇದೇ ಸಿನಿಮಾ ಅವರ ಮಕ್ಕಳ ಮೊದಲ ಚಿತ್ರ ವೀಕ್ಷಣೆಯ ನೆನಪಾಗಿರುವುದು ವಿಶೇಷವಾಗಿದೆ.